قازاقستان رەسپۋبليكاسى ۇكىمەتىنىڭ قاۋلىسى  №1369

2014 جىلعى 24 جەلتوقسان,  استانا, ۇكىمەت ءۇيى ەلەكتروندىق باقىلاۋ قۇرالدارىن قولدانۋ قاعيدالارىن, شارتتارى مەن نەگىزدەرىن بەكىتۋ تۋرالى 2014 جىلعى 4 شىلدەدەگى قازاقستان رەسپۋبليكاسىنىڭ قىلمىستىق-پروتسەستىك كودەكسى 137-بابىنىڭ ءتورتىنشى بولىگىنە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان ەلەكتروندىق باقىلاۋ قۇرالدارىن قولدانۋ قاعيدالارى, شارتتارى مەن نەگىزدەرى بەكىتىلسىن. 2. وسى قاۋلى 2015 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 24 جەلتوقسانداعى №1369 قاۋلىسىمەن بەكىتىلگەن ەلەكتروندىق باقىلاۋ قۇرالدارىن قولدانۋ قاعيدالارى, شارتتارى مەن نەگىزدەرى 1. جالپى ەرەجەلەر 1. وسى ەلەكتروندىق باقىلاۋ قۇرالدارىن قولدانۋ قاعيدالارى, شارتتارى مەن نەگىزدەرى (بۇدان ءارى – قاعيدالار) 2014 جىلعى 4 شىلدەدەگى قازاقستان رەسپۋبليكاسىنىڭ قىلمىستىق-پروتسەستىك كودەكسى (بۇدان ءارى – قپك) 137-بابىنىڭ ءتورتىنشى بولىگىنە سايكەس ازىرلەندى جانە كۇدىكتىلەرگە, ايىپتالۋشىلارعا, سوتتالۋشىلارعا قاتىستى ەلەكتروندىق باقىلاۋ قۇرالدارىن قولدانۋ ءتارتىبىن, شارتتارى مەن نەگىزدەرىن ايقىندايدى. 2. ەلەكتروندىق باقىلاۋ قۇرالدارىن قولدانۋ تۇرىندەگى قوسىمشا شەكتەۋ اسكەري قىزمەتشىنى اسكەري ءبولىم باسشىلىعىنىڭ باقىلاۋىنا بەرۋدى جانە قاماقتا ۇستاۋدى قوسپاعاندا, قپك-ءنىڭ 137-بابىندا كوزدەلگەن بۇلتارتپاۋ شارالارى تاڭدالعان ادامدارعا قاتىستى پايدالانىلۋى مۇمكىن. 3. ەلەكتروندىق باقىلاۋ قۇرالدارىن قولدانۋدى, كۇدىكتىنىڭ, ايىپتالۋشىنىڭ, سوتتالۋشىنىڭ جۇرگەن جەرىن تەكسەرۋدى جانە ول تۋرالى اقپارات الۋدى قىلمىستىق پروتسەستى جۇرگىزەتىن ورگاننىڭ باسشىسى ايقىندايتىن بولىمشە (بۇدان ءارى – بولىمشە) جۇزەگە اسىرادى. 2. ەلەكتروندىق باقىلاۋ قۇرالدارىن قولدانۋ ءتارتىبى 4. قىلمىستىق پروتسەستى جۇرگىزەتىن ورگان بۇلتارتپاۋ شاراسىن تاڭداۋ كەزىندە دە, وسى قاعيدالاردىڭ 20-تارماعىندا كوزدەلگەن نەگىزدەر تۋىنداعان كەزدە دە قوسىمشا شەكتەۋدى قولدانا الادى. ءبۇل رەتتە بۇلتارتپاۋ شاراسىن قولدانۋ تۋرالى قاۋلىدا ەلەكتروندىق باقىلاۋ قۇرالدارىن قولدانۋ تۋرالى بەلگى قويادى جانە كۇدىكتىگە, ايىپتالۋشىعا, سوتتالۋشىعا ولاردىڭ ماقساتىن, قولدانۋ قاجەتتىلىگىن, ونىڭ ىشىندە ولاردى پايدالانۋ قاعيدالارىن بۇزۋدىڭ سالدارى تۋرالى تۇسىندىرەدى. كامەلەتكە تولماعان كۇدىكتىگە, ايىپتالۋشىعا, سوتتالۋشىعا ءتۇسىندىرۋ ونىڭ زاڭدى وكىلدەرىنىڭ نەمەسە قورعانشىلىق جانە قامقورشىلىق ورگانىنىڭ قاتىسۋىمەن جۇرگىزىلەدى. كۇدىكتىنىڭ, ايىپتالۋشىنىڭ, سوتتالۋشىنىڭ مىندەتتەرى مەن شەكتەۋلەرى قىلمىستىق-پروتسەستىك زاڭنامادا ايقىندالادى. 5. ەلەكتروندىق باقىلاۋ قۇرالدارىن قولدانۋ تۋرالى ماسەلەنى شەشۋ كەزىندە قىلمىستىق پروتسەستى جۇرگىزەتىن ورگان كۇدىكتىنى, ايىپتالۋشىنى دەنساۋلىعىنىڭ جالپى جاي-كۇيىن جانە وعان ەلەكتروندىق باقىلاۋ قۇرالدارىن قولدانۋعا قارسى كورسەتىمدەردىڭ بولماۋىن بەلگىلەۋ ءۇشىن مەديتسينالىق كۋالاندىرۋعا جىبەرەدى, سونداي-اق ودان ونىمەن بىرگە تۇراتىن ادامداردىڭ دەنساۋلىعىنىڭ جاي-كۇيىنە قاۋىپتىڭ بولماۋى تۋرالى قولحات الادى. 6. ەلەكتروندىق باقىلاۋ قۇرالدارىن ورناتۋ جانە كۇدىكتىگە, ايىپتالۋشىعا, سوتتالۋشىعا باقىلاۋدى ودان ءارى جۇزەگە اسىرۋ ءۇشىن قىلمىستىق ءىس جۇرگىزۋىندەگى قىلمىستىق پروتسەستى جۇرگىزەتىن ورگان ەلەكتروندىق باقىلاۋ قۇرالدارىن قولدانا وتىرىپ, بۇلتارتپاۋ شاراسىن تاڭداۋ تۋرالى قاۋلى شىعارعان كەزدەن باستاپ جيىرما ءتورت ساعات ىشىندە بولىمشەگە مىناداي قۇجاتتاردى جولدايدى: 1) قپك-ءنىڭ 139-بابىندا كوزدەلگەن جاعدايلاردا قوسپاعاندا, قىلمىستىق پروتسەستى جۇرگىزەتىن ورگاننىڭ مورىمەن كۋالاندىرىلعان ءىس-ارەكەتتى سارالاۋ تۋرالى جانە بۇلتارتپاۋ شاراسىن قولدانۋ تۋرالى قاۋلىنىڭ كوشىرمەسى; 2) مىناداي: جاسالعان قىلمىس; كۇدىكتىنىڭ, ايىپتالۋشىنىڭ قورعاۋشىسى; كۇدىكتىنىڭ, ايىپتالۋشىنىڭ, سوتتالۋشىنىڭ مامانداندىرىلعان دەنساۋلىق ساقتاۋ مەكەمەلەرىنىڭ ەسەبىندە تۇرۋى; ءىس جۇرگىزۋىندە قىلمىستىق ءىس بار تەرگەۋشىنىڭ نەمەسە انىقتاۋشىنىڭ نە ونى الماستىراتىن ادامنىڭ بايلانىس تەلەفوندارى; كۇدىكتىنىڭ, ايىپتالۋشىنىڭ, سوتتالۋشىنىڭ تۇراتىن جەرى, سوتتىلىعى, جۇمىس نەمەسە وقۋ ورنى تۋرالى اقپاراتتى قامتيتىن قىلمىستىق ءىس بويىنشا انىقتاما; 3) قپك-ءنىڭ 300-بابىنا سايكەس كۇدىكتىنىڭ, ايىپتالۋشىنىڭ, سوتتالۋشىنىڭ جەكە باسىن كۋالاندىراتىن قۇجاتتىڭ كوشىرمەسى. 7. بولىمشە وسى قاعيدالاردىڭ 6-تارماعىندا كوزدەلگەن قۇجاتتاردى العاننان كەيىن قىلمىستىق پروتسەستى جۇرگىزەتىن ورگاننىڭ قاۋلىسىن ورىنداۋعا دەرەۋ كىرىسەدى, اتاپ ايتقاندا: 1) كۇدىكتىنىڭ, ايىپتالۋشىنىڭ, سوتتالۋشىنىڭ بۇلتارتپاۋ شاراسىن ورىندايتىن جەردە ەلەكتروندىق باقىلاۋ قۇرالدارىن ورناتۋدى, بەرۋدى جانە جانداندىرۋدى جۇزەگە اسىرادى; 2) كۇدىكتىمەن, ايىپتالۋشىمەن, سوتتالۋشىمەن ەلەكتروندىق باقىلاۋ قۇرالىن قابىلداۋ-تاپسىرۋ اكتىسىن تولتىرادى; 3) كۇدىكتىگە, ايىپتالۋشىعا, سوتتالۋشىعا قاۋىپسىزدىك شارالارى جانە ورناتىلعان ەلەكتروندىق باقىلاۋ قۇرالدارىن پايدالانۋ قاعيدالارى تۋرالى جادىنامانى قول قويعىزا وتىرىپ تۇسىندىرەدى. كامەلەتكە تولماعان كۇدىكتىلەرگە, ايىپتالۋشىلارعا, سوتتالۋشىعا ءتۇسىندىرۋ ولاردىڭ زاڭدى وكىلدەرىنىڭ, قورعاۋشىسىنىڭ نەمەسە قامقورشىلىق جانە قورعانشىلىق ورگانىنىڭ قاتىسۋىمەن جۇرگىزىلەدى; 4) قاۋلىنى تىركەۋدەن جانە كۇدىكتىنى, ايىپتالۋشىنى, سوتتالۋشىنى ەسەپكە العاننان كەيىن دەرەۋ قاۋلىنى ورىنداۋعا قابىلداۋ تۋرالى حابارلامانى قىلمىستىق پروتسەستى جۇرگىزەتىن ورگانعا جىبەرەدى. 8. بولىمشەنىڭ قىزمەتكەرى: 1) كۇدىكتىنىڭ, ايىپتالۋشىنىڭ, سوتتالۋشىنىڭ بەلگىلەنگەن مىندەتتەر مەن شەكتەۋلەردى ساقتاۋى تۋرالى مونيتورينگ ءپۋلتىنىڭ دەرەكتەرىن پايدالانا وتىرىپ, اقپاراتتى ۇزدىكسىز جيناۋدى جۇزەگە اسىرادى; 2) ەلەكتروندىق باقىلاۋ قۇرالدارىنان تەحنيكالىق اقاۋ شىققان جاعدايدا, سەبەپتەردى انىقتاۋ جانە ولاردى جويۋ بويىنشا شارالار قابىلدايدى; 3) كۇدىكتىنىڭ, ايىپتالۋشىنىڭ, سوتتالۋشىنىڭ ەلەكتروندىق باقىلاۋ قۇرالدارىن بۇزۋ, رۇقساتسىز الىپ تاستاۋ, مىندەتتەر مەن شەكتەۋلەردى بۇزۋ فاكتىلەرى, سونداي-اق تەحنيكالىق بۇزىلۋ (جۇمىس ىستەمەي قالۋى جانە ىستەن شىعۋى) تۋرالى اقپارات العان كەزدە بولىمشەنىڭ باستىعىنا جانە قىلمىستىق پروتسەستى جۇرگىزەتىن ورگانعا, ال ول بولماعان جاعدايدا – ورگاننىڭ باسشىسىنا نەمەسە كەزەكشى بولىمگە دەرەۋ باياندايدى. جيىرما ءتورت ساعات ىشىندە ءتيىستى شارالار قابىلداۋ ءۇشىن, ونىڭ ىشىندە ىزدەستىرۋ ءىس-شارالارىن ۇيىمداستىرۋ ءۇشىن قىلمىستىق پروتسەستى جۇرگىزەتىن ورگانعا جازباشا حابارلاما جولدايدى; 4) كۇدىكتىنىڭ, ايىپتالۋشىنىڭ, سوتتالۋشىنىڭ ەلەكتروندىق باقىلاۋ قۇرالدارىن بۇزعانى, اجىراتقانى نەمەسە رۇقساتسىز الىپ تاستاعانى تۋرالى سيگنال كەلىپ تۇسكەن كەزدە ولاردىڭ جارامدىلىعىن تەكسەرۋ ءۇشىن بۇلتارتپاۋ شاراسىن ورىنداۋ ورنىنا قىزمەتكەرلەرىنىڭ شىعۋىن دەرەۋ ۇيىمداستىرادى. 9. ءىس جۇرگىزۋىندە كۇدىكتىگە, ايىپتالۋشىعا, سوتتالۋشىعا قاتىستى قىلمىستىق ءىس بار قىلمىستىق پروتسەستى جۇرگىزەتىن ورگاننىڭ سۇراۋ سالۋى بويىنشا بولىمشە جيىرما ءتورت ساعات ىشىندە ادامنىڭ جۇرگەن جەرىنە باقىلاۋدى جۇزەگە اسىرۋعا جانە جۇكتەلگەن مىندەتتەر مەن شەكتەۋلەردى ساقتاۋعا بايلانىستى اقپارات بەرەدى. 10. مىنالار: 1) قپك-ءنىڭ 153-بابىنا سايكەس بۇلتارتپاۋ شاراسىنىڭ كۇشىن جويۋ نەمەسە وزگەرتۋ; 2) سوت ۇكىمى; 3) كۇدىكتىنىڭ, ايىپتالۋشىنىڭ, سوتتالۋشىنىڭ قايتىس بولۋى بولىمشەنىڭ ەلەكتروندىق باقىلاۋ قۇرالىن قولدانۋدىڭ كۇشىن جويۋى جانە الىپ تاستاۋى ءۇشىن نەگىزدەمە بولىپ تابىلادى. 11. ەلەكتروندىق باقىلاۋ قۇرالدارىن پايدالانا وتىرىپ, بۇلتارتپاۋ شاراسى قولدانىلعان كۇدىكتىگە, ايىپتالۋشىعا, سوتتالۋشىعا قاتىستى تەرگەۋ رەتتىلىگى بويىنشا كەلىپ تۇسكەن قىلمىستىق ءىستى ءوز ءىس جۇرگىزۋىنە قابىلداعان كەزدە, سونداي-اق سوت سوتتالۋشىعا ۇكىمدى جاريالاعان كەزدە بولىمشە كۇدىكتىمەن, ايىپتالۋشىمەن, سوتتالۋشىمەن ەلەكتروندىق باقىلاۋ قۇرالىن الىپ تاستاۋ جانە ورناتۋ تۋرالى قابىلداۋ-بەرۋ اكتىسىن جاسايدى. 12. كۇدىكتى, ايىپتالۋشى, سوتتالۋشى ەلەكتروندىق باقىلاۋ قۇرالدارىن قاساقانا بۇزعانى نە جويعانى ءۇشىن زالالدى قىلمىستىق-پروتسەستىك جانە ازاماتتىق-پروتسەستىك تارتىپپەن وتەيدى. 3. ەلەكتروندىق باقىلاۋ قۇرالدارىن قولدانۋ شارتتارى 13. ەلەكتروندىق باقىلاۋ قۇرالدارىن قولدانۋعا ولاردى اينالاسىنداعىلاردىڭ بايقاۋىنان جاسىرۋ شارالارىن قولدانۋ شارتىمەن جول بەرىلەدى جانە كۇدىكتىنىڭ, ايىپتالۋشىنىڭ, سوتتالۋشىنىڭ باراتىن جەرلەرى جانە ولاردىڭ ءجۇرىپ-تۇراتىن جولدارى, سونداي-اق جاسى, دەنساۋلىعىنىڭ جاي-كۇيى, وتباسى جاعدايى مەن ءومىر سالتى ەسكەرىلىپ جۇزەگە اسىرىلۋعا ءتيىس. 14. ەلەكتروندىق باقىلاۋ قۇرالدارى كۇدىكتىنىڭ, ايىپتالۋشىنىڭ, سوتتالۋشىنىڭ قازاقستان رەسپۋبليكاسىنىڭ اۋماعىندا تۇراقتى نەمەسە ۋاقىتشا ءتۇرۋ ورنى بولعان كەزدە قولدانىلادى. 15. كۇدىكتىنىڭ, ايىپتالۋشىنىڭ, سوتتالۋشىنىڭ دەنساۋلىعىنا مەديتسينالىق قارسى كورسەتىم بولعان كەزدە قوسىمشا شەكتەۋ قولدانۋعا جول بەرىلمەيدى. 16. ءبولىمشىنىڭ باستىعى كۇدىكتىنىڭ, ايىپتالۋشىنىڭ, سوتتالۋشىنىڭ جەكە باسىن سيپاتتايتىن مالىمەتتەردىڭ نەگىزىندە وعان بەلگىلەنگەن مىندەتتەر مەن شەكتەۋلەرگە سايكەس ءتيىستى قۇرىلعىنى ورناتۋ تۋرالى شەشىمدى تەحنيكالىق مۇمكىندىككە سۇيەنە وتىرىپ قابىلدايدى. 17. كۇدىكتىگە, ايىپتالۋشىعا, سوتتالۋشىعا قاتىستى ەلەكتروندىق باقىلاۋ قۇرالدارىن ودان ءارى قولدانۋ تەحنيكالىق سەبەپتەر بويىنشا مۇمكىن بولماعان جاعدايدا, بولىمشە ولاردى وزگە قۇرالدارمەن اۋىستىرۋ بويىنشا شارالار قابىلدايدى. بۇزىلۋ انىقتالعان جاعدايدا ەلەكتروندىق باقىلاۋ قۇرالدارىن اۋىستىرۋدى دەرەۋ جۇزەگە اسىرادى. 18. ەگەر كۇدىكتى, ايىپتالۋشى, سوتتالۋشى مەديتسينالىق كورسەتىمدەر بويىنشا دەنساۋلىق ساقتاۋ مەكەمەسىنە جەتكىزىلىپ, اۋرۋحاناعا جاتقىزىلعان بولسا, بولىمشە وسى فاكتى تۋرالى قىلمىستىق پروتسەستى جۇرگىزەتىن ورگانعا جانە دەنساۋلىق ساقتاۋ مەكەمەسىنە وسى ادامعا قاتىستى ەلەكتروندىق باقىلاۋ قۇرالدارىنىڭ قولدانىلعانى تۋرالى دەرەۋ حابارلايدى. 4. ەلەكتروندىق باقىلاۋ قۇرالدارىن قولدانۋ نەگىزدەرى 19. قىلمىستىق پروتسەستى جۇرگىزەتىن ورگاننىڭ ەشقايدا كەتپەۋ جانە ءتيىستى مىنەز-ق ۇلىق تۋرالى قولحات, جەكە كەپىلگەرلىك, كامەلەتكە تولماعان ادامدى قاراۋدا ۇستاۋعا بەرۋ, كەپىل, ۇيقاماق تۇرىندە بۇلتارتپاۋ شاراسىن قوسىمشا شەكتەۋ قاجەتتىلىگى تۋرالى بەلگىمەن قولدانۋ تۋرالى قاۋلى كۇدىكتىگە, ايىپتالۋشىعا, سوتتالۋشىعا قاتىستى ەلەكتروندىق باقىلاۋ قۇرالدارىن قولدانۋدىڭ نەگىزى بولىپ تابىلادى. 20. ەلەكتروندىق باقىلاۋ قۇرالدارى: 1) كۇدىكتى, ايىپتالۋشى, سوتتالۋشى وزىنە قاتىستى قولدانىلاتىن بۇلتارتپاۋ شاراسىنا سايكەس زاڭنامادا كوزدەلگەن ءبىر نەمەسە بىرنەشە مىندەتتى بۇزعان; 2) سوت وعان جەتكىلىكتى نەگىزدەر بولعان كەزدە كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشحاتتان باس تارتقان; 3) جەكەلەگەن ادامداردىڭ ومىرىنە, دەنساۋلىعىنا, مەنشىگىنە قاۋىپ تۋىنداۋى مۇمكىن بولعان جاعدايلاردا, ولاردىڭ وتىنىشتەرى بويىنشا كۇدىكتىنىڭ, ايىپتالۋشىنىڭ, سوتتالۋشىنىڭ ورىن اۋىستىرعانىن جانە جۇرگەن جەرىن انىقتاۋ ءۇشىن قولدانىلادى.